منتديات البصيرة MHM
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

امثال شعبيه فلسطينيه

2 مشترك

اذهب الى الأسفل  رسالة [صفحة 1 من اصل 1]

1امثال شعبيه فلسطينيه Empty امثال شعبيه فلسطينيه الإثنين نوفمبر 17, 2008 1:28 pm

like_no_other

like_no_other


بعد التحية
الامثال الشعبية الفلسطينية التي تذكرنا بفلسطين وريحة فلسطين وريحة ارض فلسطين وجمال طبيعة فلسطين من خلال الزراعة والفصول الاربعة التي تعتبر من اهم ما تحدثت عنه امثالنا الشعبية واليكم بعد المقتطفات

الزيت والزيتون راس المال الفلاح الفلسطيني واهم الفنون الزراعية الحضارية وتعتبر هذه الامثال موسوعة زراعية
* أيلول دباغ الزيتون

* في أيلول بيطيح الزيت في الزيتون

* في أيلول بيدور الزيت في الزتون والمر في اللمون

* لما يصلّب الصليب ما ترفع عن زيتونك القضيب

* زيته طيّب ولقاطه بشيّب

* زيت الملدمسي طيب ولقاطه بشيب

* النبالي زيته سيال ولقاطه عجال في عجال

* البري زيته مري

* الزيت عماد البيت

* عمارة البيت خبز وزيت

* القمح والزيت سَبْعين في البيت

* الزيت مسامير المعصب

* الزيت ملك العاجز

* كول زيت وانطح الحيط

* سيل الزيتون من سيل كانون

* إن لسّن الزيتون في شباط حضرولو لبطاط

* إن أخرج في شباط حضرولو البطاط

* إن لسن الزيتون في أيار هيأولو الزيار

* إن أخرج في أيار حضرولو الجرار

* إن لسن في نيسان لا تعشم ابه يا ابن الناس

* إن احسم الزيتون في الخميس هيأولو القطاطيس

* يا الله السموم في ليالي الزيتون لو ما ضل في السهل ولا حابون

* يا الله الندى يوم عقد المرودة بعقد الزيتون والا انشالله ما

امثال فلسطينية تحكي واقع المناخ الفلسطيني وتقلباته في الفصول الاربعة وشهور السنة

* إذا حفل أبو سعد بطل الرعد

* في تشرين ينتهي العنب والتين
* تشرين برده يبكّي المصارين

* في شباط بيضبو العير في الرباط

* شباط ما عليه رباط

* شباط جر العنزة بالرباط

* في آذار العجوز ما بتفارق النار

* اذار شمس وامطار وينشف الراعي بلا نار

* بين العقرب والنيساني ارفع غطاك الفوقاني

* اذار ابو الزلازل والأمطار

* اذار فيه سبع ثلجات كبار غير الزغار

* في اذار ينشف الراعي بلا نار ويرمو الجزر للحمار وتمطر سبع مطرات

* خبو خشباتكو الكبار لعمكو اذار

* خبو الفحمات الكبار لهدرة من هدرات اذار

* خبي جمراتك الكبار لعمك اذار

* في أيار الغمر طيار

* في تموز بتغلي المية في الكوز

* تموز بيصير الصبر قد الكوز

* في تموز يستوي الكوز

* في تموز اقطف الكوز

* تموز بعصر الكوز

* تموز عصار الخشب

* في آب بتخلق السحاب

* في آب كول العنب ولا تهاب

* في آب اقطف العنب ولا تهاب

* في آب اقطع الشرش ولا تهاب


الثمار والاشجار وانواعها وفوائده باللسان الفلسطيني :

* خلي القطين في خوابيه تييجي مشتريه

* لا تقطع العنب للزبيب تيمر الصليب

* اطعم دوابك في التين تلقاها في أيام الطين

* رقد التين ياكل وينين ورقد البلح ياكل وينشرح

* طل البطيخ بطلو الطبيخ

امثال قوانين وعادات وتقاليد وقيم واخلاق
* الأرض كالعرض

* ما أغلى من العرض إلا الأرض

* بياع أرضه ضاع عرضه

* إرحل عن الأرض ولا تبيعها

* الأرض لا بتنحرق ولا بتنسرق

* اللي بيطلع من داره بينقل مقداره

* اللي ما عنده عطن مالو وطن

* اللي ملوش جذر بيموت قهر

* بيع الذهب واشتري العتب

* الأرض ما بتغلاش

* الأرض كالعرض

* اخطب لبنتك قبل ما تخطب لابنك

* إذا حصلت المحبة ارتفع التكليف

* إذا فاتك السوق اتمرغ في ترابه

* أرق من النسيم

* اسأل قبل ما تناسب يبان للردى والمناسب

* إسأل مجرب ولا تسأل حكيم

* اشتغل بقرش وحاسب البطال

* أصلك يردك

* اضرب الطينة بالحيط إن ما لزقت بتعلِّم

* أضيق من سم الخياط

* اطعم الضارى وخلي المشتهي

* أعزب دهر ولا أرمل شهر

* أعطي الخبز لخبازه ولو أكل نصه

* اعمل معروف وارميه في البحر

* أكل الرجال على الرجال دين وأكل الرجال على الأنذال صدقة

* الإبن الفاسد يجيب لأهله المسبه

* الإسكافي حافي والحايك عريان

* الأسى ما بينتسى

* الأم تعشعش والأب يطفش

* الباب اللي يجيك منه الريح سدو واستريح

* البدّار عارف شو طالع من ايده

* البرد سبب كل عله

* البنت بلا حلق، دالية بلا ورق

* البيت اللي تاكل منه لا تدعي عليه بالخراب

* البيت اللي رباني ما بينساني

* التم المتعوس على خايب الرجا

* الجار للجار ولو جار

* الجود من الموجود

* الجوعان يأكل عواد المكانس

* الحر كرامته رأس ماله

* الحر ما يتنكر لأصله

* الحركة ولود والسكون عاقر

* الحيط الواطي كل الناس بتنطه

* الخال والد

* الخط الأعوج من الثور الأبرق

* الدراهم مراهم

* الدعوة بتدور بتدور ع سبع بحور وبترجع لصاحبها

* الدهر دولاب يوم معك ويوم عليك

* الديك الفصيح من البيضة بصيح

* الرجال مخابر مش مناظر

* الرغيف اللي بيلمع للصاحب اللي بينفع

* الزيارة غارة

* الزيتون ملّك العاجز

* السر إذا جاوز اثنين شاع

* الشب الغاوي شو ما راد يساوي

* الشحادة عادة

* الشر سياج أهله

* الشين شين ولو عجنوه بقنطار عسل

* الصراحه راحة

* الصغار زينه الدار

* الصلح سيد الأحكام

* الظفر ما بطلع من اللحم

* العاقل وديه ولا توصيه

* العرق دساس

* العرق يسوس ع سبع جنوس

* العز يليق بصحابه

* العقدة اللي تحلها بيدك لا تحلها باسنانك

* العقل زينه واللي بلاه حزينه

* العين بتعلاش على الحاجب

* الغربة كربة وهم للركبة

* الغصن مني ولو مال

* الفاضي بيعمل قاضي

* الفلاح يبذر حبه وبيتكل على ربه

كنز من كنوز وطننا وموسوعة من موسوعات وطننا ..... والله يجمعنا معكم يا اهلنا وحبايبنا

2امثال شعبيه فلسطينيه Empty ردددددد الإثنين ديسمبر 08, 2008 11:59 am

عبد منسي

عبد منسي

مشكور
مشكور مشكور
مشكور مشكور مشكور
مشكور مشكور
مشكور
مشكور
مشكور مشكور مشكور
مشكور مشكور مشكور
مشكور مشكور مشكور
مشكور مشكور مشكور
Embarassed Embarassed Embarassed Embarassed Embarassed Embarassed Embarassed Embarassed Embarassed Embarassed Embarassed Embarassed Embarassed

الرجوع الى أعلى الصفحة  رسالة [صفحة 1 من اصل 1]

مواضيع مماثلة

-

» امثال فلسطينية

صلاحيات هذا المنتدى:
لاتستطيع الرد على المواضيع في هذا المنتدى